По состанокот со претседателот на САД, Доналд Трамп, израелскиот премиер Бенјамин Нетанјаху остро го предупреди Иран, нагласувајќи дека „не смее да поседува нуклеарно оружје“.
Нетанјаху додаде дека тоа може да се постигне на два начина: или преку договор, или воен пат, јави Jerusalem Post.
Тој објасни дека договор би бил прифатлив само ако биде сличен на оној со Либија: „Влегуваме, дизајнираме постројки, ја демонтираме целата опрема, под американски надзор и извршување. Тоа е идеално сценарио“.
„Другата опција, која не ја сакаме, е ако тие едноставно ги одложуваат преговорите, а во тој случај воената опција станува единствениот избор“.
