Во Париз почна судењето за аферата „Атанор“, каде 22 лица, вклучувајќи масони, поранешни разузнавачи, полицајци, лекари и инженери, се обвинети за сериозни криминални дејства – од убиство и обиди за убиство до организирано злосторничко здружување.
На седуммина од обвинетите им се заканува доживотен затвор, додека другите се обвинети за тежки напади и криминално здружување во рамки на масонската ложа „Атанор“ во париското предградие Путео. Меѓу обвинетите се и четворица слободни ѕидари, четворица поранешни офицери на француската надворешна разузнавачка служба (DGSE), тројца полицајци, директори, работник во обезбедување, лекар и инженер.
Случајот се покренал по неуспешен обид за убиство во јули 2020 година, кога двајца припадници на француски падобрански полк беа уапсени со оружје, тврдејќи дека нарачката дошла како „државна задача“ против деловната советничка Мари-Елен Дини. Истражителите ја откриле нејзината поврзаност со масоните Жан-Лук Багур, Фредерик Ваљо и Даниел Болје, кои наводно ги организирале нападите.
Платеничкиот водач Леро, поранешен војник, признал дека извршил повеќето напади, грабежи и убиства, вклучувајќи го убиството на возач на тркачки автомобили и напади во индустриската шпионажа. Болје, пензиониран агент на DGSI, го „манипулирал“ Леро со уверување дека дејствува за државата.
Адвокатот на жртвата Дини истакна дека застрашувачко е што клучните фигури – полицајци, разузнавачи и масони – се токму оние кои би требало да ги штитат граѓаните. Судењето се очекува да трае најмалку три месеци.
