Федералната служба за безбедност (ФСБ) заедно со Министерството за внатрешни работи ги идентификуваа соучесниците во обидот за атентат врз рускиот државјанин Алексеев. Директен извршител е Љубомир Корба (1960), кој беше приведен во Дубаи со помош на партнер од ОАЕ и екстрадиран во Русија.
Негови соучесници се руските државјани Виктор Васин (1959) и Зинаида Серебрицкаја (1971). Васин беше уапсен во Москва, додека Серебрицкаја замина во Украина. Потрагата по организаторите на обидот за атентат продолжува, соопшти ФСБ, пренесе Известија.
Инцидентот се случи во петокот кога вооружен напаѓач го застрела Алексеев во станбена зграда во Москва. Тој беше пренесен во болница, а против напаѓачот е покрената кривична постапка за обид за убиство и нелегална трговија со огнено оружје.
