Емотивна сцена од Турција привлече внимание на социјалните мрежи, откако постар човек брзо интервенирал мислејќи дека дете е нападнато на улица, без да знае дека станува збор за снимање на филмска сцена.
На видеото се гледа како старецот, вознемирен, се приближува кон група луѓе со намера да го спречи наводното насилство. Неколку секунди подоцна, му било објаснето дека ситуацијата е дел од филмска продукција и дека нема вистинска опасност, по што старецот се смирил.
Снимката предизвика лавина позитивни реакции на интернет, при што корисниците ја пофалија неговата храброст и човечност, истакнувајќи дека неговата реакција покажува дека не е рамнодушен кон насилството врз деца.
Една од пораките што најчесто се споделува под видеото гласи: „Подобро е да реагираш и да згрешиш, отколку да гледаш и да молчиш.“
Настанот исто така ја отвори дебатата за потребата од јасно означување на снимања на јавни места, за да се избегнат вакви недоразбирања.
