Најмалку 1.000 луѓе загинаа во силно лизгање на земјиштето во оддалечените планини Мара во западен Судан, соопшти бунтовничката група Суданско ослободително движење/армија (SLM). Обилните дождови што траеја денови предизвикаа катастрофално лизгање на земјиштето во неделата, при што од селото Тарасин преживеа само еден човек, додека голем дел од населеното место беше „срамнат со земја“.
SLM апелираше за итна хуманитарна помош од Обединетите нации и други меѓународни организации. Многу жители од Северен Дарфур побарале засолниште во планините Мара поради борбите меѓу суданската армија и паравоените Сили за брза поддршка (RSF), кои ги принудија да ги напуштат своите домови.
Гувернерот на Дарфур, Мини Минави, лизгањето го опиша како „хуманитарна трагедија“. Граѓанската војна, која започна во април 2023 година, ја втурна земјата во глад и доведе до обвиненија за геноцид во западниот регион Дарфур.
