По повод Велики четврток, денот кога традиционално со посебно внимание се вапцуваат велигденските јајца, во Кавадарци беше реализирана уште една убава празнична активност во духот на традицијата и креативноста.
Винскиот музеј за регион Тиквеш – Кавадарци, во соработка со Општина Кавадарци и во рамки на Велигденската програма, организираше вапцање јајца со природни материјали. Преку оваа активност беше покажано дека природата нуди богатство од бои и можности, создавајќи уникатни и впечатливи велигденски јајца на еден автентичен и еколошки начин.
Настанот донесе празнична атмосфера, потсетувајќи на значењето на обичаите кои се пренесуваат од генерација на генерација, но и на убавината на едноставните традиционални вредности.
