Тешка сообраќајна несреќа се случи денеска во Гостивар, во која животот го загуби 76-годишен велосипедист.
Како што информираат од Министерството за внатрешни работи, денеска (16.12.2025) околу 12:35 часот, на крстосницата на улиците „Илинденска“ и „Седек Костовски“, товарно возило „мерцедес“ со гостиварски регистарски ознаки, управувано од Х.М. (44) од Гостивар, удрило во велосипед управуван од И.М. (76), исто така од Гостивар.
Повредениот велосипедист итно бил пренесен во Медицинскиот центар во Гостивар, каде што лекарите констатирале смрт.
Полициски службеници од ОВР Гостивар веднаш го лишиле од слобода возачот на товарното возило, а по целосно документирање на случајот, во координација со надлежен јавен обвинител, против него ќе биде поднесена соодветна кривична пријава.
