Прилеп вечерва буквално „експлодираше“ од живот! Со светла, музика, вкусно скара и литри студено пиво, официјално започна 21. издание на култниот „Пивофест“, кој повторно го претвори градскиот центар во најголемата летна журка во Македонија!
На повеќе од 15 штандови, поставени низ центарот на Прилеп, се точи пиво од шест познати пиварници од земјава и регионот – вистински рај за љубителите на пенливиот пијалак. Мирисот на скара, ѕвонливите чаши и смеата на посетителите го претворија Прилеп во епицентар на летниот урбан ритам.
Атмосфера за паметење
Илјадници посетители веќе го преплавија центарот на градот, а штандовите нудат широк избор на пиво, од класични до крафт специјалитети, придружени со неизбежната скара, грил, и вкусни македонски деликатеси.
На бината настапуваат врвни музички имиња, а еуфоријата само расте како што се полни ноќта – со ветување дека ова ќе биде едно од најнезаборавните изданија на „Пивофест“ досега.
Прилеп – главен град на пивото
Овој фестивал е повеќе од забава – тој е идентитет, традиција и туристички магнет. „Пивофест“ традиционално привлекува десетици илјади посетители од целата држава и од регионот, кои доаѓаат во потрага по добра музика, уште подобро пиво и незаменлива атмосфера.
Следуваат четири дена исполнети со музика, забава и многу пиво! Прилеп е веќе подготвен да го повтори – и надмине – својот фестивалски рекорд. Летото е официјално почнато!
