Педесет и двегодишен наставник од Скопје е уапсен по пријава дека вознемирувал 18-годишна ученичка и од неа барал да имаат сексуални односи.
Според полицијата, наставникот работел во средно училиште на подрачјето на Центар, а бил приведен вчера попладне во 17:30 часот.
Министерството за внатрешни работи соопшти дека во периодот од 25 февруари до 2 март наставникот упатувал сексуални барања кон ученичката. По целосното расчистување на случајот, против него ќе биде поднесена соодветна кривична пријава.
