Оваа седмица Македонија ќе биде под влијание на топла воздушна маса од Африка, што ќе донесе сончево и исклучително топло време со дневни температури над 30°C. Во Повардарието и во Скопје се очекуваат температури блиску до 40°C. Ќе дува слаб до умерен ветер од источен и североисточен правец, повремено засилен.
Од петок, 15 август, и преку викендот се најавува мало освежување со пад на температурите од 3 до 4 степени Целзиусови.
Надлежните советуваат да се избегнува престој на отворено во најтоплите часови од денот (од 11 до 17 часот) и да се внесуваат повеќе течности за заштита од топлотниот бран.
