Македонија нема да испраќа војници како дел од НАТО трупи во Украина, но Армијата ќе се модернизира и засилува со нови кадри.
Министерството за одбрана распиша оглас за вработување 300 професионални војници и 10 подофицери од воздухопловно техничката служба. Оваа информација ја објави министерот за одбрана Владо Мисајловски кој денеска беше во посета на касарната „Чеде Филиповски-Даме“ во Кичево каде започна реконструкција на дел од објектите.
