Една жена од тетовско доживеала непријатно искуство откако се обидела да нарача мебел, но наместо договорената изработка – останала и без пари и без никаков производ.
Според информациите, таа во текот на февруари воспоставила контакт со лице преку социјална мрежа, кое се претставило како претставник на фирма што се занимава со изработка на мебел. По кратка комуникација, се договориле за нарачка и изработка.
По средбата, жената му предала 550 евра како капар, верувајќи дека работата ќе биде завршена во договорениот рок. Сепак, по тоа, ситуацијата добила сосема поинаков тек.
Лицето станало недостапно, не одговарало на повици, а договорениот мебел никогаш не бил изработен ниту испорачан. Свесна дека е измамена, случајот го пријавила во полиција.
Од надлежните информираат дека се преземаат мерки за целосно расчистување на случајот и утврдување на сите околности.
Овој настан е уште едно предупредување за граѓаните да бидат внимателни при онлајн договори и плаќања, особено кога станува збор за авансно давање пари без проверка на лицата или компаниите.
