Попладнево Скопје го зафати силен и невообичаено опасен ветер кој предизвика големи проблеми низ градот. Најсериозниот инцидент се случи во населбата Чаир, каде налетите на ветрот буквално откорнаа цел кров од една станбена зграда и го фрлија наоколу, предизвикувајќи сериозна материјална штета.
Жителите сведочат дека сцената била застрашувачка и велат дека вакво нешто досега не паметат. Иако нема информации за повредени лица, стравот и паниката меѓу луѓето биле огромни, бидејќи парчиња кров и метални делови паѓале во близина на паркирани возила и пешаци.
Метеоролозите најавуваат дека нестабилното време ќе продолжи и во наредните часови и предупредуваат граѓаните да бидат внимателни при движење во близина на згради, конструкции и објекти кои можат да се оштетат од ветерот. Според нив, ваквите екстремни временски услови се сè почести и претставуваат сериозен ризик за безбедноста.
Видео:
