„Не е доволно само денес да се сетиме на силата, храброста и упорноста на жените. Тие го носат светот напред – секој ден, со секој чекор, со секоја одлука.“
Ова е пораката на министерката за финансии, Гордана Димитриеска-Кочоска, која нагласува дека жените не чекаат признание – тие создаваат промени.
„Тие се лидери, визионери, двигатели на општеството. Денес им честитаме, но утре – да им дадеме уште повеќе простор, можности и шанси,“ порача министерката.
Таа ја истакна важноста на континуираната поддршка и рамноправноста во сите сфери на општеството, потенцирајќи дека „секој ден е ден на жените!“
