Обиколницата околу Битола е привремено затворена за сообраќај од 18:30 часот поради свлечиште, информира ЈП „Македонијапат“.
Сообраќајот моментално е пренасочен низ централните улици на градот додека екипите на ЈП „Македонијапат“ работат на расчистување на теренот.
Надлежните соопштуваат дека се преземаат сите активности за отстранување на свлечиштето и што побрзо нормализирање на сообраќајот, а граѓаните се повикуваат да бидат внимателни и да следат привремено поставената сигнализација.
