По три дена густ чад и пепел, пожарот на озлогласената депонија „Алинци“ конечно е скротен! Но, додека пожарникарите и комуналците го гаснат последниот жар со тони вода и земја, вистинската бура допрва почнува: Надлежните се убедени дека некој намерно го подметнал огнот!
Градоначалникот Дејан Проданоски не крие дека му е преку глава. Ова е веќе четврти пат како депонијата „мистериозно“ пламнува, загрозувајќи го здравјето на прилепчани. МВР е веќе на терен и го бара сторителот кој си поигра со огнот и со трпението на граѓаните.
И покрај хаосот, Прилеп има план за спас! Веднаш до згаснатиот пожар никнува најсовремена фабрика за селекција на отпад која е во завршна фаза.
Општината веќе обезбеди дозволи за целосно енергетско поврзување на објектот. Целта е јасна: со модерна технологија и засилен надзор, ваквите еколошки бомби да станат само лошо минато. Дали ова е последната „димна завеса“ над Прилеп?
