Александар Михајловски, синот на актерот Тони Михајловски, повторно го привлече вниманието на јавноста, но овојпат не со хумор, туку со реална и болна случка од скијачка патека. Популарниот „син на мајка“, познат по своите духовити видеа и актерски настапи на социјалните мрежи, доживеа незгода која заврши со повреда и патерици.
Во обид да спои адреналин и содржина за публика, Александар решил истовремено да скија и да снима видео. Уверен дека има целосна контрола и дека сè ќе помине како на филм, тој се впуштил во спуст по стрмна патека. Првите секунди од видеото прикажуваат еуфорија, брзина и возбуда, но сцената брзо добива поинаков тек.
Наместо успешен спуст и вирално видео, следниот кадар го покажува Александар во болничка средина, со повредена нога и лекар кој му помага да застане на нозе. Од скијачка опрема – директно на патерици.
Иако исходот не бил воопшто посакуван, приказната сепак доби искрен и поучен тон. Овој пат, наместо шега, „син на мајка“ им испрати порака на сите дека преценувањето и ризикот можат скапо да чинат – особено кога камерата е поважна од безбедноста.
