Заменик-министерот за економија и труд, Марјан Ристески, преку социјалните мрежи објави важна промена што ќе стапи на сила од 1 јануари 2026 година и директно ќе ги засега пензионерите, студентите и лицата во социјален ризик.
Според Ристески, тогаш стапува во сила Законот за работно ангажирање, кој овозможува овие категории граѓани да работат дополнително, без да ги загубат нивните постојни социјални и здравствени права. Со новиот модел тие ќе можат формално да бидат работно ангажирани, а притоа да ги задржат сите стекнати придобивки.
