Иако со децении беше симбол на стабилност, моќ и достоинство, кралицата Елизабета II носела една сосема човечка несигурност која ретко ја споделувала. И покрај тоа што важеше за една од најфотографираните личности во историјата, постоел дел од нејзиниот изглед со кој таа не била целосно задоволна.
При фотографирањето за Златниот јубилеј во 2002 година, познатиот британски фотограф Ранкин доживеал момент што никогаш нема да го заборави. За време на снимањето, тој ѝ предложил на кралицата да позира со меч – силен и традиционален симбол на монархијата. Наместо очекуваната формална согласност, добил искрен и неочекуван одговор.
Со насмевка, Елизабета II наводно рекла дека не ги сака своите раце и затоа не е воодушевена од идејата тие да бидат во фокусот на фотографијата. Искреноста на моментот го изненадила, но и го насмеала фотографот, кој подоцна оваа анегдота ја раскажал во интервјуа и подкасти.
Со текот на времето, ова признание почнало да се прераскажува како мит дека кралицата строго избегнувала да ги покажува рацете на фотографии. Сепак, вистината е поедноставна. Нејзините раце се појавуваат на илјадници официјални и приватни снимки – при ракувања, поздрави, носење на нејзината препознатлива чанта или за време на јавни обраќања.
Малиот момент на искреност само потврдува дека и зад круната се криеше жена со сосема човечки чувства и несигурности.
