Швајцарија, земјата која некогаш беше симбол за богатство и економска сигурност, се соочува со досега невидена социјална криза. Комбинацијата од вртоглаво високи кирии, постојано поскапо здравствено осигурување и плати кои со години не мрдаат од место, ги доведе граѓаните до раб на егзистенција. Наместо да уживаат во луксуз, многумина Швајцарци сега едвај врзуваат крај со крај, додека нивната заштеда буквално исчезнува пред налетот на месечните трошоци.
Шокантните податоци од најновата анкета откриваат дека речиси една третина од жителите по плаќањето на сите сметки остануваат со помалку од 500 франци во џебот. Уште полоша е ситуацијата за дури 13 проценти од испитаниците, кои на крајот на месецот немаат ниту еден преостанат франк. Додека мал дел од елитата и понатаму успева да тргне на страна поголеми суми, јазот меѓу богатите и сиромашните станува застрашувачки голем.
Поради оваа неиздржлива финансиска состојба, започнува нов бран на емиграција кој никој не го очекуваше. Швајцарските пензионери, кои цел живот работеле во една од најскапите држави, сега се принудени да се селат во Шпанија и другите поевтини земји бидејќи нивните примања повеќе не се доволни ниту за кирија и храна во татковината. Домаќинствата со средни приходи се најсилно погодени, а притисокот врз владата за итни мерки станува се погласен пред социјалниот мир целосно да се наруши.
