Инфлуенсер од Дубаи, роден во Канада, направи вистинска сензација со своето патување во првокласниот апартман на авиокомпанијата „Сингапур ерлајнс“, за кое платил неверојатни 14.000 долари. Видео од патувањето објавил на Јутјуб, каде што досега собрало 10 милиони прегледи.
Патувањето вклучувало раскошен кревет, луксузен оброк со чаша шампањ вредна околу 400 долари, сет за нега на кожа, пижами, слушалки од брендот Bang & Olufsen, како и тоалет кој го опишува како вистински спа-центар со пет ѕвезди. Инфлуенсерот нагласил дека картата ја платил во готово, без користење поени или милји.
И покрај луксузот, многу гледачи сметаа дека цената е неразумна, коментирајќи дека 14.000 долари за авионска карта е „надвор од секоја логика“.
Ова патување е нов пример за тоа како инфлуенсерите создаваат содржина преку екстремни луксузни искуства, привлекувајќи внимание и дебати околу вредноста на таквите вложувања.
