81-годишниот актер Мајкл Даглас објави видео од своето патување на Арктикот, прикажувајќи го во екстремно студени предели и престој во хотел целосно направен од мраз. Ова патување следеше само неколку недели откако тој ја посети Антарктикот со семејството.
Во видеото, Даглас е облечен во дебела зимска јакна и шлем, придружуван од тимот на експедицијата. Тој го снимил изгрејсонцето и бескрајните снежни предели околу нив. „Добредојдовте на Арктикот. Бев на Антарктикот минатата недела. Ова е Арктикот, ние сме на границата со Русија“, вели актерот.
Хотелот во кој престојува е целосно изграден од мраз, со кревети на огромни блокови, скулптури вградени во ѕидовите и слабо осветлени простории кои создаваат уникатна атмосфера. „Секоја соба има скулптури вградени во ѕидовите, апсолутно неверојатни. Вистинска снежна станица“, додава Даглас.
Актерот, исто така, најави дека наскоро ќе објави мемоари во кои ќе открие повеќе за својот семеен живот и личните избори. „По години прашување, конечно решив дека е време да ја раскажам мојата приказна според мои услови… Славата може да ја замагли вистината, а ова е мој обид да ја вратам во фокусот“, рече Даглас.
Ова патување и престојот во хотелот од мраз ја прикажуваат авантуристичката страна на актерот, дури и на 81 година, и го претставуваат како инспирација за љубителите на екстремни дестинации.
