Државниот симфониски оркестар од Солун ќе одржи концерт во Филхармонијата на 17 мај од 19:30 часот. Гостувањето во Скопје доаѓа по заедничкиот настап на Македонската, Солунската и Софиската филхармонија во Софија на 17 февруари со музичко-сценската кантата „Кармина Бурана“.
Како солисти ќе настапат македонскиот пијанист со интернационална кариера Симон Трпчески и грчката сопранистка Мирто Папатанасиу. Диригент е Владимирос Симеонидис од Грција, а на програмата се Концертот за пијано и оркестар во Г-дур од Морис Равел, „Пет народни грчки песни“ во оркестрација на Равел и Розентал, „Ла Валс“ од Равел и неколку композиции од грчкиот композитор Емил Ријадис.
Од менаџментот на Филхармонијата велат дека се во финални преговори и за концерт во Солун.
smart.sdk.mk
