Министерка за финансии, Гордана Димитриеска-Кочоска, оствари успешна средба со Арно Де Вердиер и Сонај Канбер, директори во Банката за развој при Советот на Европа. На средбата се разгледаа тековните и идни проекти за поддршка на развојот на Македонија, со акцент на забрзување на реализацијата на постоечките иницијативи и новите проекти кои ќе ја поддржат динамиката на економскиот развој на земјата.
Димитриеска-Кочоска истакна дека соработката со оваа финансиска институција е клучна за исполнување на развојните цели на Македонија и обезбедување на потребната поддршка за успешна имплементација на стратегиите за напредок на земјата.
