Полициски службеници од Секторот за внатрешни работи (СВР) Тетово попладнево уапсиле жител на селото Брвеница кој се сомничи за убиство на 76-годишен охриѓанец. Безживотното тело на К.М. било пронајдено денеска наутро во неговиот дом на улицата „Нада Филева“ во Охрид.
Педесет и тригодишниот Ж.Г. бил лишен од слобода во 17:20 часот, по претходно распишана централна потерница од СВР Охрид. На местото на настанот бил извршен увид од јавен обвинител и полициски екипи, а лекар од Итната медицинска помош констатирал смрт. Телото е предадено за обдукција по наредба на јавен обвинител.
Министерството за внатрешни работи наведува дека по целосното расчистување на случајот ќе биде поднесена соодветна пријава против осомничениот.
