Рација во казина и кладилници во Тетово

На 23/24.04.2025 во периодот од 22.00 до 03.00 часот,  полициски службеници од СВР Тетово презедоа мерки и активности за подобрување на јавната безбедност на подрачјето на СВР  Тетово, при што во содејство со инспектори од Државна пазарна инспекција, Управа за јавни приходи и Трудова инспекција извршиле контроли во спортски обложувалници, казина и други објекти. При контролата, во две спортски кладилници биле констатирани прекршоци во надлежност на другите институции кои презеле мерки согласно законот. Додека, во едно казино на улица „Илинденска“ се затекнати и поради непријавен престој во државата се приведени К.Л.(24), В.Х.(20) и И.Х.(24), тројцата од Република Албанија. Против нив ќе бидат поднесени соодветни поднесоци.