На 31 јануари 2026, во периодот од 19:30 до 22:45 часот, полициски службеници од ОВР Гостивар извршија претрес во угостителски објект во село Чегране, сопственост на Ш.Ш. (51), по претходно добиени оперативни сознанија и судска наредба.
При претресот, кај М.Х. (23) биле пронајдени и одземени шест паковки со кокаин, додека во помошна просторија на објектот бил пронајден гасен пиштол, а во фиока од комода – прашкаста материја и пари.
Во врска со кривичното дело „неовластено производство и пуштање во промет на наркотични дроги, психотропни супстанции и прекурсори“, казниво по член 215 од Кривичниот законик, од слобода се лишени Ш.Ш. и М.Х., како и Ф.Ш. (53) од с. Чегране и 17-годишна малолетничка од с. Волковија.
По завршување на документцијата и комплетирање на доказите, за случајот ќе биде поднесена соодветна кривична пријава, при што инцидентот ја потврдува активната акција на полицијата во борбата против нелегалната трговија со наркотични средства.
