Министерството за образование и наука известува дека студентите можат да се пријават за субвенциониран студентски оброк за академската 2025/2026 година до 5 март 2026.
Правото го имаат:
- сите редовни студенти на додипломски студии со месечен приход под минималната нето плата,
- студентите на постдипломски и интегрирани студии,
- студенти на државните и приватните универзитети во земјата.
Студентите кои ги исполнуваат условите можат да аплицираат електронски преку порталот e-uslugi.mon.gov.mk. За оние на кои им било прекинато правото на оброк или кои не аплицирале во претходните рокови, исто така е овозможено повторно поднесување на апликација.
Министерството ги повикува студентите да ги проверат условите и да ја искористат можноста за остварување на правото на субвенциониран оброк.
