Американскиот претседател, Доналд Трамп, го обвини Иран за нападот врз женско училиште во јужниот дел на земјата, во кој според извештаи загинаа над 160 лица.
Пред новинарите во претседателскиот авион „Ер Форс 1“, Трамп потенцираше:
- САД не стојат зад нападот.
- „Според моето мислење, засновано на она што го видов, нападот е дело на Иран. Тие се многу непрецизни со својата муниција. Ова го направи Иран“, изјави претседателот.
Американскиот министер за одбрана, Пит Хегсет, кој патуваше со Трамп, додаде дека САД спроведуваат истрага за инцидентот.
Трамп истакна дека Вашингтон нема намера да се стационира во Иран и сака да има лидер кој нема да ја вовлекува земјата во војни. Тој додаде дека нема индиции дека Русија му помага на Иран во конфликтот со Израел и САД.
Во однос на сојузниците, претседателот коментираше дека првичниот одбиен пристап до британската база „Диего Гарсија“ бил пречка, а понудата на премиерот Кир Стармер за испраќање носачи на авиони дошла задоцнето.
Трамп нагласи дека не е заинтересиран за преговори и дека конфликтот може да заврши само кога Техеран ќе остане без активна војска и раководство: – „Не верувам дека ќе остане некој дури и да каже ‘се предаваме’“, додаде тој.
