Литванската разузнавачка служба во годишниот извештај за националните безбедносни закани за 2026 година предупреди дека Русија систематски ја јакне својата воена моќ долж источната граница на НАТО и се подготвува за можен идeн конфликт со Алијансата.
Извештајот открива дека Москва ја трансформира својата армија, постојните бригади ги претвора во дивизии, формира нови единици и интензивно ја развива воената инфраструктура, особено во ексклавата Калининград. Дел од единиците и опремата се испраќаат во Украина за борбено искуство, со цел идната руска армија да стане поголема и поефикасна.
Литванските аналитичари проценуваат дека Русија би можела да создаде армија 30 до 50 проценти поголема од онаа пред почетокот на војната во Украина, со модернизиран арсенал и обновени стратешки резерви на оружје и муниција, способни за судир со НАТО.
Еден од клучните ризици е Сувалкискиот коридор меѓу Полска и Литванија, кој ја раздвојува Белорусија од Калининград и се смета за најранливата точка на источната граница на Алијансата. Извештајот истакнува дека долгорочните цели на Кремљ остануваат непроменети – потчинување на Украина и промена на рамнотежата на силите во Европа во корист на Москва.
Во меѓувреме, НАТО ја зајакнува одбраната на источниот фронт, а Литванија повикува на дополнително присуство на Алијансата во регионот за да се спречат евентуални закани.
