Во серија бизарни и насилни инциденти што ја потресоа руската одбранбена индустрија, јавноста е шокирана од случајот во кој еден од дизајнерите на тактичкиот ракетен систем „Искандер“ заврши трагично – по вербална расправија со соседот, која прераснала во смртоносен конфликт.
Според руски медиуми, 74-годишниот Владимир Недошивин, пензиониран инженер и еден од клучните умови зад ракетниот систем „Искандер“, бил пронајден во бесознание на скалите во неговата зграда во Коломна, на 9 мај. Набргу по хоспитализацијата, починал од здобиените повреди.
Истражителите откриваат дека до конфликтот дошло откако Недошивин, кој наводно се борел со алкохолизам, уринирал во заедничкиот простор на зградата. Тоа предизвикало гнев кај 32-годишниот сосед и водоинсталатер, Анатолиј Колобајцев, кој, според сведоците, прво се расправал со него, а потоа го турнал низ скалите.
Десет дена по тој инцидент, нов напад го потресе одбранбениот сектор. Главниот дизајнер на компанијата „Курганприбoр“, уште една клучна фирма во руската воена индустрија, бил брутално нападнат со чекан пред својот дом. Засега не се познати мотивите зад нападот, а напаѓачот не е идентификуван.
Овие настани ја отвораат вратата за шпекулации околу безбедноста на руските воени научници и инженерите кои стојат зад најмоќните оружја на Москва.
