Погледнете каква фотографија објави Трамп додека светот го очекува новиот папа [ФОТО]

Неколку дена пред конклавата, Трамп објави фотографија како папа

Неколку дена пред почетокот на конклавата за избор на нов поглавар на Римокатоличката црква, американскиот претседател Доналд Трамп објави фотографија на која е прикажан како папа. Објавата се појави на неговата социјална мрежа Truth Social, без никаков коментар или објаснување.

Светските медиуми пренесуваат дека се работи за вештачки генерирана слика, најверојатно направена со помош на вештачка интелигенција. На неа, Трамп седи на позлатен трон, облечен во бела папска мантија, со митра на главата и голем златен крст на градите. Со подигнат показалец од десната рака, сликата го прикажува во поза налик на благослов, а на прстот носи прстен сличен на традиционалниот „рибарски прстен“, симбол на папската власт.

Претходно, Трамп на шега изјави дека е подготвен да стане новиот папа, а оваа објава многумина ја протолкуваа како продолжение на тој хумористичен тон, иако тајмингот ја подигна јавната реакција.

Папата Франциск почина на 21 април во 89. година од животот, како последица на мозочен удар. Тој беше погребан во римската базилика Санта Марија Маџоре. Доналд Трамп присуствуваше на погребната церемонија.

Според најавите од Ватикан, конклавата за избор на нов папа ќе започне на 7 мај. Последните две конклави, во 2005 и 2013 година, траеја само по два дена, што остава можност и оваа година брзо да биде избран наследник на Светиот Престол.