Европската Унија ги повика израелските власти да не им создаваат логистички или регистрациски пречки на хуманитарните партнери кои доставуваат помош во Појасот Газа, изјави портпаролката на Европската комисија, Ева Хрнчирова.
Таа се осврна на инцидентот со флотилата во јуни, кога учесниците беа приведени, а товарот запленет, нагласувајќи дека ваквите дејствија не ја ублажиле хуманитарната криза. „Се обидуваме да го зголемиме бројот на камиони што влегуваат во Газа и да го запреме страдањето на луѓето“, рече Хрнчирова.
Портпаролот за надворешни работи на ЕУ, Ануар Ел Ануни, додаде дека државите мора да ги заштитат своите граѓани и ги повика страните и меѓународната заедница да вложат максимални напори за итен и траен прекин на огнот.
Третата флота на хуманитарната мисија треба да исплови од Тунис оваа среда за да ја пробие опсадата над Газа, во која досега се убиени повеќе од 64.000 Палестинци и каде населението се соочува со глад и разурнување.
