На социјалните мрежи и во дел од светските медиуми почна да кружи фотографија за која се тврди дека го прикажува заробениот венецуелски претседател Николас Мадуро. Сепак, засега нема официјална потврда дека станува збор за автентична снимка.
Фотографијата брзо се прошири на интернет и предизвика бројни реакции, откако американскиот претседател Доналд Трамп објави дека Мадуро е уапсен и пренесен во Соединетите Американски Држави, каде што против него се водат сериозни обвиненија.
И покрај тоа што дел од корисниците тврдат дека фотографијата е направена веднаш по апсењето, ниту американските институции, ниту официјалните власти во Венецуела досега не ја потврдиле нејзината веродостојност.
Во меѓувреме, ситуацијата во Венецуела останува напната, а меѓународната заедница внимателно ги следи случувањата поврзани со апсењето на венецуелскиот лидер и можните последици по регионот.
Повеќе информации и официјална потврда за фотографијата се очекуваат во текот на денот.
