Данската репрезентација во второто полуфинале го победи Исланд со 31:28, предводена од Матијас Гидсел со седум гола, Јохан Хансен со шест и Симон Питлик со пет погодоци. Кај Исланд, најефикасен беше Јанус Смарасон со осум гола.
Во финалето, Данска ќе се сретне со Германија, која во првото полуфинале ја победи Хрватска со 31:28 (17:15).
Натпреварите за медали се закажани за недела: мечот за бронза почнува од 15:15 часот, а финалето за злато од 18:00 часот.
Данска и Германија досега имаат по две европски титули, Хрватска се закитила со три бронзи, а Исланд има еден бронзен медал од ЕП 2010.
