НБА-лигата го доживува своето европско „надмудрување“. Најновите резултати од гласањето за ол-стар натпреварот покажуваат дека Лука Дончиќ, Никола Јокиќ и Јанис Адетокумбо доминираат, оставајќи ги американските суперѕвезди зад себе. Дончиќ и Адетокумбо водат во своите конференции, додека Јокиќ е втор на Запад и трет во вкупниот пласман.
Според бројките:
- Леброн Џејмс има 2.229.811 гласа, Јокиќ 1.998.560, а Стеф Кари 1.844.903.
- Адетокумбо води на Истокот со 2.092.284 гласа, пред Џејлен Брансон и Тајрис Макси.
Ова не е само поединечен случај. Европејците сè повеќе доминираат во лигата, и не само статистички – тие ја обликуваат иднината на НБА. Јокиќ е трикратен МВП, Дончиќ е лицето на новата генерација, а Адетокумбо е незапирлива сила на Истокот. Американските ѕвезди веќе не се апсолутни лидери на лигата, а некои од нив не освоиле МВП-награда од 2018 година.
Годинашниот Ол-стар ќе се одржи на 15/16 февруари во „Интуит доум“ во Лос Анџелес, во нов формат: турнир со четири екипи, два тима од САД и еден тим интернационалци. Натпреварите ќе траат по 12 минути, а гласовите ќе се земаат од навивачи (50%), играчи (25%) и новинари/радиодифузери (25%).
Вистината е сурова: најдобриот играч е Србин, најпопуларниот бек е Словенец, а најдоминантниот спортист е Грк. НБА не е веќе апсолутно американска лига – Европа го презема водството.
