Цело село во мрак! Утре ќе нема струја во ова тетовско село – еве кога и зошто

Жителите на тетовското село Голема Речица утре (четврток, 9 мај) ќе останат без електрична енергија поради планирани работи на мрежата.

Според информациите од електродистрибуција, прекинот ќе трае од 08:30 до 10:30 часот, а ќе бидат опфатени објектите што се наоѓаат околу фабриката за блокови Бетонида, веднаш по наплатната рампа.

Воедно, и неколку села меѓу кои Шипковица, Вејце, Бродец, Вешала и Божовце се соочија со неочекуван прекин на струја, кој не беше најавен однапред.

Граѓаните се советуваат да ги завршат сите важни обврски пред најавениот прекин, особено оние кои се потпираат на електрична енергија за деловни или домашни цели.