Градоначалникот на општина Брвеница, Јовица Илиевски, им предаде донација од спортска опрема – топки за различни спортови – на основните училишта во општината.
Со оваа донација, учениците ќе имаат можност да се натпреваруваат и да уживаат во спортови како фудбал, кошарка, ракомет, одбојка и други дисциплини, при што ќе добијат подобри услови за спортски активности.
„Нашата цел е да им овозможиме на младите да ги развиваат своите спортски вештини и да се насочат кон здрави навики, што за нас како општина е од особено значење,“ изјави Илиевски.
Оваа иницијатива е дел од заложбите на општина Брвеница за поддршка на спортот и физичката активност кај младите.
