Клиниката за кардиохирургија во Скопје се соочува со сериозен недостиг од стручни лекари, што ја доведе во состојба да биде „многу лимитирана“ со можностите за операции. Министерот за здравство Азир Алиу потврди дека проблемот е огромен и дека недостигаат кадри не само во оваа клиника, туку и во повеќе други клиники низ Скопје.
Алиу изјави дека веќе се работи на решение преку билатерален договор со Словенија. Според најавите, словенечки доктори ќе доаѓаат во Македонија на период од три до шест месеци за да извршуваат операции, додека македонските лекари ќе заминуваат во Словенија на обуки и размена на искуства.
Оваа иницијатива е единствениот начин во моментов да се обезбеди континуитет на работата во Кардиохирургија и да се спасат пациенти кои итно имаат потреба од сложени операции. Министерството очекува договорот наскоро да се финализира, со цел да се спречи целосен застој на клиниката.
