Локалната самоуправа започна со реализација на интензивни активности за унапредување на безбедноста во сообраќајот и обнова на патната мрежа низ градот.
Во првата фаза, веќе е извршено комплетно обележување на хоризонталната сигнализација на следните клучни локации:
- Улица „Западен Булевар“
- Улица „Гоце Брушански“
- Паркингот кај Булевар „Кочо Рацин“
Санација на 2.100 m² оштетени коловози
Едновремено, на терен се започнати градежните работи за крпење на ударните дупки и санација на настанатите прокопи на градските улици, како и на локалните патишта.
Изведувач на градежните работи е компанијата „Инфес Груп“. Со предвидените активности планирано е да бидат санирани вкупно околу 2.100 m² оштетени коловозни површини.
Со овие зафати значително ќе се подобри протокот на возила, ќе се намалат оштетувањата на автомобилите и ќе се подигне целосното ниво на безбедност за сите учесници во сообраќајот. Општината апелира до возачите за трпение и внимателно возење во зоните каде што се изведуваат градежните работи.
