Додека родителите ширум земјата се борат со влијанието на опасните интернет трендови, Тетово се соочува со застрашувачки инцидент кој ја крена полицијата на нозе. Вчера попладне, мирна улица во градот се претвори во сцена од хорор филм, каде жртви биле невини деца.
Двајца згрозени родители од Тетово, З.А. (48) и А.Ј. (44), вчера во 17:10 часот пријавиле во СВР Тетово настан кој звучи неверојатно за 21-виот век.
Инцидентот се случил на улицата „Борис Кидрич“, а полициските службеници веќе преземаат итни мерки за идентификација на насилниците. Најголем фокус е ставен на пронаоѓање на мобилниот телефон со кој е снимен нападот, што би послужило како клучен доказ за дрското однесување.
Овој настан отвора сериозни прашања за безбедноста и за тоа колку далеку се подготвени да одат малолетниците за „лајк“ повеќе. Родителите се во шок, а граѓаните бараат итна и строга казна за оние кои се закануваат со ладно оружје среде бел ден.
