Несомнено е дека туберкулозата кај животните е појава што се регистрира и во други зоолошки градини, но кога во половина година вакви случаи се случуваат повеќекратно, алармот мора сериозно да се вклучи. Скoпската Зоолошка градина е многу посетувана, особено од деца, што дополнително ја зголемува загриженоста за јавната здравствена безбедност.
Најновиот случај се однесува на мајмунката Софи, која неодамна угина. Испитувањата спроведени од Факултетот за ветеринарна медицина покажале дека животното било позитивно на Mycobacterium tuberculosis complex, бактерии кои предизвикуваат туберкулоза кај животни и луѓе. По утврдувањето на дијагнозата, веднаш е известена Агенцијата за храна и ветеринарство, а од страна на ЗОО се преземени итни мерки за дезинфекција и поставување дез-бариери. Живеалиштето на гибоните е изолирано од другите животни, а дополнителни испитувања ќе бидат направени за сите единки во групата.
Раководството на ЗОО истакнува дека вакви случаи не се исклучиво проблем на скопската градина, туку се регистрираат и во други светски зоолошки. Сепак, честите појави на туберкулоза во краток временски период ја потенцираат потребата за внимателна контрола и брза интервенција од надлежните институции. Главното прашање што се наметнува е дали постои реална опасност од ширење на инфекцијата меѓу посетителите, особено најмладите, и како да се заштити јавното здравје додека се спроведуваат сите мерки за безбедност.
