Адам Левин се појави на доделувањето на наградите „Breakthrough“ во Лос Анџелес заедно со сопругата Бехати Принсло, но наместо нивното заедничко појавување, најмногу внимание привлече неговиот изглед.
Познатиот пејач се појави без брадата по која со години беше препознатлив, што веднаш ги изненади обожавателите. Сепак, уште повеќе реакции предизвика неговото лице, кое на многумина им изгледало поинаку од претходно.
На фотографиите од црвениот килим, дел од фановите забележаа дека лицето на Левин изгледа затегнато и помалку подвижно, поради што на социјалните мрежи веднаш почнаа шпекулации за можни естетски зафати.
Коментарите брзо се проширија, а многумина пишуваа дека пејачот е речиси непрепознатлив. Дел од корисниците на интернет го споредија неговиот изглед со восочна фигура, додека други претпоставуваа дека можеби станува збор за лифтинг или други козметички интервенции.
Ова појавување повторно го стави Левин во центарот на јавноста, но не поради музиката. Шпекулациите за неговиот изглед успеаја да го засенат и фактот дека на настанот пристигна со сопругата, со која претходно помина низ бурен период по медиумските пишувања за нивниот брак.
