Сериозна сообраќајна несреќа се случи утрово на раскрсницата на улиците Цара Душана и Книќанинова во Белград, кога трамвај од линијата 5 излетал од шините и удрил во блиска зграда.
Според официјалните информации од надлежните институции, во несреќата се повредени вкупно 15 лица, меѓу кои има и две деца. Повредени се и возачката на трамвајот и повеќе патници кои во моментот се наоѓале во возилото.
На местото на несреќата интервенирале пет екипи на Итната помош, кои им укажале медицинска помош на повредените. Единаесет возрасни лица биле пренесени во Ургентниот центар, додека двете деца се згрижени во болницата во Тиршова.
Според првичните информации, најголемиот дел од повредите се полесни, но кај двајца патници се констатирани потешки повреди во форма на скршеници.
Од Градското сообраќајно претпријатие информираат дека постојат индиции дека причина за несреќата може да биде човечки фактор, односно неприлагодена брзина при минување низ скретница, како и проверка на нејзината поставеност.
Сепак, надлежните нагласуваат дека конечната причина ќе биде утврдена по завршување на истрагата и техничката анализа.
Јавноста е потресена од фактот дека во несреќата се повредени и деца, а сообраќајот во овој дел од градот бил целосно во прекин по инцидентот.
