Основното јавно обвинителство Битола отвори истражна постапка против 36-годишно лице за кривично дело „Разбојничка кражба“ според член 238 став 1 од Кривичниот законик.
На 15 декември, околу 02:00 часот, осомничениот влегол во незаклучена куќа на улицата „Елпида Караманди“ во Битола, пребарувал на катот и одзел 2.500 денари. Кога сопственикот го затекнал, осомничениот го нападнал физички и му се заканил со скалпел.
Јавниот обвинител поднел предлог до судијата на претходна постапка во Основниот суд Битола за определување мерка притвор за осомничениот.
