Во живописниот предел кај Ливари, близу популарната Вурвуру на Ситонија, денеска изби силен шумски пожар, кој доведе до итна евакуација на туристите и локалното население.
Грчките власти испратија предупредувања по телефон, а на теренот дејствуваат 65 пожарникари со 20 возила и два специјализирани пешадиски тима. Ситуацијата е толку сериозна што веќе се вклучени осум авиони и еден хеликоптер за гаснење од воздух.
Паниката расте додека пламените јазици се приближуваат до летувалиштата, а димот се гледа од километри.
