Најмалку пет лица загинаа, а 13 беа повредени кога автомобил експлодирал пред окружниот суд во Исламабад, главниот град на Пакистан.
Жртвите биле претежно минувачи или луѓе кои дошле на судски рочишта. Експлозијата се случила во утринските часови и предизвикала оштетување на неколку паркирани возила пред судската зграда.
Полицијата соопшти дека истрагата е во тек, но засега не се открива дали станува збор за терористички напад или друга причина за експлозијата.
Случајот предизвика паника меѓу локалното население, а властите апелираат граѓаните да ја следат официјалната информација и да избегнуваат шпекулации.
