Министрите за одбрана на Јапонија и Австралија, Шинџиро Коизуми и Ричард Марлс, денеска се договорија за зајакнување на соработката меѓу двете земји, по серија инциденти со кинески воени авиони.
Инцидентот се случи кога кинески ловец J-15, кој полетал од носачот на авиони „Љаонин“, двапати го насочил својот радар кон јапонски авион Ф-15 – еднаш во 16:32 часот и повторно во 18:37 часот по локално време. Коизуми ги оцени настаните како „опасни“ и изрази жалење за предизвиканата напнатост.
Австралискиот министер Марлс истакна дека и неговата земја била цел на слични кинески дејствија и дека Австралија ќе ја поддржи Јапонија во „наметнување поредок заснован на правила во регионот“. Тој нагласи дека двете земји ќе дејствуваат решително за зачувување на мирот и стабилноста.
Во рамки на посетата, Марлс разгледа и системот за противракетна одбрана Patriot Advanced Capability-3 во Токио, додека Австралија веќе се договори за купување на 11 модернизирани јапонски бродови од класата „Могами“, при што првите три ќе бидат изградени во јапонски бродоградилишта.
Оваа соработка ја потврдува засилената стратешка координација меѓу Јапонија и Австралија во одговор на растечките безбедносни предизвици во Индо-Пацифик регионот.
