Шеснаесетгодишно момче од село Кондово, скопско, синоќа беше брутално нападнато и претепано од четворица насилници.
Според пријавата, на 28.11.2025 година околу 20:50 часот, момчето било физички нападнато на подрачјето на Бит Пазар од четири лица кои пристигнале со возило.
Повредите беа толку сериозни што младото момче околу 02:20 часот следната ноќ било донесено во Комплексот клиники „Мајка Тереза“ во Скопје, каде му била укажана медицинска помош. Министерството за внатрешни работи ја потврдува пријавата и истакнува дека случајот е во понатамошна обработка.
