Хумористична серија „Чаршија“ веќе ја освојува дигиталната публика

„Чаршија“ е нова хумористична серија инспирирана од животот, ликовите и духот на Старата скопска чаршија. Чаршија е жив организам. „Тука се преплетуваат култури, јазици и генерации – и сите се разбираат“ - вели Сибел Абдиу, креатор и режисер на

серијата. Оваа недела излегува 13-та епизода од 36-те епизоди превдивени за оваа сезона.

Во серијата настапуваат познати актери и актерки, како:

- Борче Начев, во улога на Ристо берберот

- Жаклина Петровска, во улога на покојната сопруга на Ристо

- Ванеса Петровци, во улога на Венера активистката

- Јеткин Сезаир во улога на Омер - песимист и потенцијален гастербајтер

- Дин Ибрахим во улогата Беркан - мајстор за баклава

- Стефан Николовски, во улога на Миладин ковачот

- Беркан Ахмет, во улога на Арџенд златарот

- Рајмонда Ахметај, во улога на Дрита професорката

- Сузан Акбелге, во улога на Севим слаткарката

- Бену Шахин, во улога на Ера инфлуенсерката

- Милена Блажевска, во улогата на Тања - ќерка на берберот Ристо

- Џенап Самет, во улога на Насер слаткарот

- Хамди Рашити, во улога на Куштрим бурекчијата

- Адриан Азири, во улога на Министерот за образование

- Селпин Керим, во улога на Конфучиј – филозофот на чаршијата

- Oja Самет, во улога на Амина

- Гоце Андонов, во улога на чиракот Марко

- Дарја Ризова, во улога на Пејачка

- Александар Михајловски, во улога на Оџа

- Аксел Мехмед, во улога на Поп

- Теона Сима, во улога на туристички водич

Никола Мишковски, во улога на Готвач и многу други.

Форматот е составен од кратки епизоди од 3–5 минути, наменети за дигитални платформи, снимани директно во срцето на Чаршијата во студио изградено во самиот нејзин центар. Преку хумор и човечки приказни, „Чаршија“ ја прикажува мултикултурноста, занаетчиството и урбаните менталитети кои живеат едни покрај други во овој најстар и најавтентичен дел од градот.